كان بودي .بقلم.محمدابوالمجد

شعر حلمنتيشى ******** كان بودى كان بودى انى اعزك لجل انك انت منى لكن الشيطان بيوزك وخيرك البعد عنى روح براحتك كل يوم تكذب وتحلف فين صراحتك كنت طفل برىء وعاقل حتى فى فترة خيالك كنت رقة فى كلامك وفى جمالك فجأة لما كبرت خبت يابنى مالك ليه بتقسى على اللى ليك قلى ايه اللى جرالك ليه كده دا البعد قاسى وانت ليه غيرت حالك يابنى ليه تخلفلى ظنى مش بالاقى غير جفاك وغير قباحتك خدها منى وصرها دايما فى بالك الحياة كلها دى سلف ودين وافتكر قبل الولادة انت برضه كنت فين وافتكر بعد حضورك للحياة كنا شايلينك فى عين كل واحد منا كان يتمنى ليك احلى حياة كنت لما دنيتك تقسى عليك احنا ليك طوق النجاة واحنا ليك شط الامان دا اللى ينسى عشرة الوالدين دا مش زى اللى صان واللى وفى للجميل برضه مش زى اللى خان افتكر ايام زمان كنا ليك بر الأمان لما جات الشاطرة واللى فاكرة أنها ست البنات عشت فى الوهم معاها نستك كل اللى فات ياما ضحينا لليالى وانت تبخل بالثوانى والدقايق والساعات راح تحس بينا ممكن بس دا بعد الممات حتى ايامك هتظلم تلقى منها كتير آهات يابنى غير من صفاتك لجل ترتاح يوم حياتك وابدأ اندم ع اللى فاتك وابدأ اندم ع اللى راح واعمل الخيرات ياولدى وبلاش طوعة مراتك لجل تلتئم الجراح اللى مش بيبر أهله عمره مايشوف الصباح ومهما يجرى ولا يتعب كده راح تاخده الرياح واللى بيخاصم لناسه وعمره ماطلب السماح آخرته ياولدى وحشة وغلبها من بدرى لاح يبقى شايل فى همومه يشقى فى نهاره ويومه واللى عاقل راح يلومه مايفيده مهما هيزيد فى النواح مهما يعلى فى وظيفته ومكانه فجأة يلقى نفسه طاح والمثل قالوه ياولدى اللى قبلينا بسنين انتبه اهلك لتهلك خلى فيه دايما حنين ياما كنا كتير بننصح بس مين يعقل ومين وعجبى ******** مشاركة فى إحدى اكاديميات الشعر وليس لها صلة بالواقع