السجال الجميل؛ بقلم. مجدي محمد مصطفى

السجال الجميل الذى تم منى على قصيدة أستاذنا الفاضل/ كمال الباز وبعدها من الأخ الأكبر وشاعرنا الكبير/ عيد أبو زاهر على قصيدتى، ثم ردى عليه @@@@@ رسالة الأستاذ الفاضل كمال الباز : @@@@@ يا عم يا بتاع الغرابيل عايز منك غربال ... . اهز كل اللي في حياتي واعيش مرتاح البال واشوف مين ناكر الجميل واللي في الشده صان .. .. الناس بقت بوشين واللي فاكره دهب طلع نخال السنين ورتنا كتير والناس بقت الوان ... . يا عم يا بتاع الغرابيل قولي غربالك بكام .... قولى وسمعنى قبل الناس ماتنام . ها هى قصيدتى: ******** يا عم يا بتاع الغرابيل ******** بقلم/ مجدى مصطفى قوللى يا عم أنت يا بتاع الغرابيل إزاى أقدر أغربل كل شخص عويل إتطفل على وبقى ف شئونى دخيل وحول حياتى كده من ضيائها لليل فى فرحه تلقاه ينسى وللنذالة دليل أما الحبايب ربى وكل قلب جميل احفظهم إلهى لنا واشف كل عليل وبارك ربى لنا ف كل شخص أصيل قلبه مفتون بنا، دايما تجاهنا يميل مع تحياتي/ مجدى محمد مصطفى *** رد الشاعر الكبير/ عيد أبو زاهر بقصيدته على قصيدتى: *** تعا.. يابتاع الغرابيل عايزين نغربل سوا كل اللى جالنا دخيل والقلب مالوش دوا على كل جرح يميل قالوا دواك فى الهوى ياللى الهوا خالى ياريت تجيبوا الدوا لجل القليب مايميل شكراً جزيلاً أخى الأكبر وأستاذنا الفاضل/ عيد باشا أبو زاهر ************ وها هى قصيدتى بعنوان: ************ __________ ( لو كانت الغربلة عندنا مهنة ) __________ بقلم/ مجدى مصطفى لو كانت الغربلة فى بلدنا هنا مهنة كان زماني بقيت في الفضاء طيار الشطارة مش مجرد طلوعك النخلة أو هى السباحة وأنت بتعاكس التيار بس اعرف أكيد ان الصداقة صفحة جوه كتاب فيه بيتسجل لك الأخبار وإن حاولت ياما تخفى عنا ولو فكرة راح ف يوم تنكشف الخفايا والأسرار واعرف إن مهما كات الطريق وعرة هتوصل لهدفك فى نهاية المشوار واللى تعلمته وأنا ف الحارة والحتة إن الشهامة اتولدت معانا جوه الدار ولذلك لو حد أهدانا فى يوم زهرة تلقانا هنا بنردهاله من الذهب قنطار دى عيشتنا وفيها الطبيعة السمحة علشان كده دايما بيوصفونا بالأخيار عمر الحكاية ما كانت بالنسبة لنا مشكلة ولا كنا فى يوم نسعى يرسموا لنا شعار يا رب أنا بأدعوك تديمها كده نعمة وتختم بالسعادة بقى حياتنا يا غفار