اول مرة للشاعر فارس المصري
((اول مرة))
🌼🌼🌼🌼
اول مره اعوم
ف عنيكِ
موج الشوق ف
عيونِك عالي
روحي و قلبي
بقو ف أيديكِ
ف نفس واحد
قالو تعالي
تعالي لحضن
الحب الدافي
ف ليل الشوق
نقول موالي
لما حضنت
ايديكِ ف ليلة
وانتى ليلى
و كل ليالي
شفتك ليلى قبل
ماشوفِك طيفك
عمره ما غاب
عن بالي
و انتِ الأمل
الصاحي ف قلبي
بعد العمر
ما هدّ آمالي
اول مره شفتك
فيها شفت
الحلم ال عاش
ف خيالي
انتِ حلم
جوه عيوني
دايما صاحي
و بيحلالي
هافضل احبك
يفضل حبّك
جوه القلب
دايما غالي
سألتك مرة
ليه حبيتي
جوه عينكِ
رد سؤالي
قلت العمر ف
قربِك لحظة
بكل العمر
الخالي
أسالي طيفك
جوه عيوني
راح يحكيلك
ع اللى جرالى
يمُر العمر مُر
ف بُعدِك ايه
تاني بَعدك
راح يهنالي
ولما تهلي
يوم على سهوة
تبقى الدنيا
مبتسمالي
انتِ الفرحة
دايما طارحه
نسمة حب
تسعد حالي
🏵🏵🏵🏵🏵
----- فارس المصرى -----
تعليقات
إرسال تعليق