چان عندي دوله //بقلم//ابو الحسن

چان عندي دوله
بيها سبع حظوظ
چنت احسن مواطن
بالعرب آني
چنت آني الچبير وبيدي
كل الشور
كلها تخافني وتمشي گدامي
وچان عندي خوان
مثل يوسف
وگعوني بير
ما واحد بيهم وگفلي
وبخير جازاني
دارت دنيتي هواي
صفيت بغربه وتاه عنواني
و ذاك اللي بنيت الحايط وياه
اشو خذلني وعاف بنياني
ما اعتب عليهم
العتب مرفوع
اعيالي جزوني
وصرت اني براني
غرتهم الدنيا
وفرهدوني بليل
لان بيهم غريب النذل لاواني
ماطيحن
وآنه الكريم ابن الكريم
عراق الخير ماموت
ضايگهن گبل
ضربات صحباني
چان عندي دوله وبيها
سبع حظوظ
چنت احسن مواطن بالعرب آني

ابو الحسن